إِنَّ الْحَمْدَ للهِ نَحْمَدُهُ
وَنَسْتَعِيْنُهُ وَنَسْتَهْدِيهِ وَنَشْكُرُهُ وَنَسْتَغْفِرُهُ وَنَتُوْبُ
إِلَيْهِ، وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ
أَعْمَالِنَا، مَنْ يَهْدِ اللهُ فَلَا مُضِلَّ لَهُ وَمَنْ يُضلِلْ فَلَا هَادِيَ
لَهُ، وَأَشْهَدُ أنْ لَّا إلهِ إِلَّا اللهُ وَحْدَهُ لَا شَرِيْكَ لَهُ وَلَا
مَثِيْلَ لَهُ، هُوَ الْإِلهُ الْعَفُوُّ الْغَفُوْرُ الْمُسْتَغْنِي عنْ كُلِّ
مَا سِوَاهُ وَالْمُفْتَقِرُ إِلَيْهِ كُلُّ مَا عَدَاهُ، وَأَشْهَدُ أَنَّ
سَيِّدَنَا مُحَمَّدًا عَبْدُهُ وَرَسُوْلُهُ، بَلَّغَ الرِّسَالَةَ وَأَدَّى
الْأَمَانَةَ وَنَصَحَ الأُمَّةَ، صَلَّى اللهُ عَلَى سَيِّدِنَا مُحَمَّدٍ
صَلَاةً يَقْضِي بِهَا حَاجَاتِنَا وَيُفَرِّجُ بِهَا كُرُبَاتِنَا
وَيَكْفِيْنَا بِهَا شَرَّ أَعْدَائِنَا وَسلَّمَ عَلَيْهِ وَعَلَى صَحْبِهِ
الطَّيِّبِيْنَ وَآلِهِ الْأَطْهَارِ وَمَنْ وَالَاهُ أَمَّا
بَعْدُ، فَإِنِّي أُوْصِيْكُمْ وَنَفْسِي بِتَقْوَى اللهِ الْعَلِيِّ الْقَدِيْرِ
الْقَائِلِ فِي مُحْكَمِ كِتَابِهِ الْكَرِيْمِ: يٰٓاَيُّهَا الَّذِيْنَ
اٰمَنُوا اتَّقُوا اللّٰهَ حَقَّ تُقٰىتِهٖ وَلَا تَمُوْتُنَّ اِلَّا وَاَنْتُمْ
مُّسْلِمُوْنَ . وقَالَ: إِنَّ عِدَّةَ الشُّهُورِ عِندَ اللَّهِ اثْنَا عَشَرَ
شَهْراً فِي كِتَابِ اللَّهِ يَوْمَ خَلَقَ السَّمَاوَاتِ وَالأَرْضَ مِنْهَآ
أَرْبَعَةٌ حُرُمٌ
Ma’asyiral Muslimin rahimakumullah
I(caps)ng wedal puniko monggo sami ngiataken raos takwa
utowo wedi marang Allah arupi nglampahi sedoyo perintah-perintah Allah lan
nebihi dateng sedoyo ingkang dipun larang deneng Allah swt. Kito sedoyo kedah
nyadari dene nopo mawon ingkang kito lakoaken wonten ing dunyo meniko pesti
dipun awasi teng Allah lan Malaikat Allah. Kito sedoyo kedah yakin ugi, dene
sedoyo amalan sae bakal tompo piwales ganjaran lan amalan awon bakal tompo
duso.
Mugi kito sedoyo kalebet golonganipun tiyang ingkang
angsal pituduh lan sedoyo kerupekan ingkang kito adepi wonten ing ndunyo tansah
pinaringan solusi. Allah sampun nyukani dawuh wonten ing Al-Qur'an ingkang
nyebataken menawi kita tansah takwa, Allah ugi tansah mbukaaken dalan kangge
ngrampungaken masalah saking arah ingkang mboten dipun songko-songko. Allah swt
dawuh:
وَمَنْ
يَّتَّقِ اللّٰهَ يَجْعَلْ لَّهٗ مَخْرَجًا ۙ
Artosipun: “Sopo wonge takwa dateng Allah, pesti
bakal dipun paringi dalan medal,” (At-Thalaq ayat 2).
Ma’asyiral Muslimin rahimakumullah
Ing Jumat meniko, khatib bade nyampaiaken khutbah
ingkang judulipun: Marhaban Rajab, Wulan Mulio Kangge Ndungo lan Ninggalaken
Duso. Tema meniko perlu dipun sampaiaken kranten sakniki kito sampun dumugi lan
mlebet wulan Rajab ingkang kalebet wulan Qamariyah nomor 7. Rajab ugi dados
salah setunggalipun wulan ingkang mulyo lan dipun tegasaken wonten ing Qur’an
Surat At-Taubah ayat 36:
إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْراً فِي
كِتَابِ اللَّهِ يَوْمَ خَلَقَ السَّمَاوَاتِ وَالأَرْضَ مِنْهَآ أَرْبَعَةٌ
حُرُمٌ
Artosipun: “Temen setuhune wilangan wulan
mungguhipun Allah meniko 12 (kalih welas) ingdalem ketetapan arikolone Allah
nyiptaaken langit lan bumi ing antarane papat wulan ingkang mulio,”.
Wonten ing kitab I‘anatut Thalibin dipun sebataken
dene wulan Rajab kalebet bulan spesial kranten asalipun sangking kalimat
“tarjib” ingkang gadah makna ngagungaken utowo muliaken. Dipun sebataken zaman
rumiyen, bangsa Arab lewih ngagungaken wulan Rajab tinimbang wulan-wulan
lintunipun. Sakbagian ulama ugi maknai Rajab sami kalian Al-Ashabb ingkang
maknanipiun tumetes utowo ngalir. Makna meniko lambang katahe kesaenan lan
keberkahan tumetes lan ngalir wonten ing wulan Rajab.
Wonten ugi setunggalipun ulama ingkang maknai Rajab
kalian Rajam ingkang nggadahi makna mbalang musuh lan setan-setan. Ing wulan
Rajab, setan-setan sami dipun balang sehinggo mboten ngganggu piantun-piantun
soleh.
Wonten ing bulan Rajab meniko, kito ugi dipun dawuhi
supados ngatah-ngatahaken ngibadah lan ndungo. Kranten ing wulan Rajab, katah
keistimewaan-keistimewaan arupi dipun tikel-tikelaken ganjaran saking ibadah
ingkang kito lakoni. Nanging mboten anamung niku mawon, kito kedah atos-atos
lan waspodo serto mboten ngalkoni duso kranten duso ingkang dipun lakoni ing
wulan meniko ugi bade dipun tikelaken deneng Allah swt. Pramilo monggo sami
nindaaken nopo ingkang dipun perintahaken Allah lan nebehi nopo ingkang dipun
larang deneng Allah swt.
Moko niku, Ma’asyiral Muslimin rahimakumullah Kejawi
nindaaken ikhtiar ngatah-ngatahaken ngibadah ing wulan Rajab, kito ugi kedah
ngatah-ngatahaken dungo supados kita dipun paringi kekiatan kangge nglampahi
ngibadah ing wulan Rajab meniko. Dungo ingkang dados wujud tawakkal utowo
pasrah dateng Allah ugi dipun karepaken saged dados lantaran pituduh Allah
dateng kito kangge nebehi tumindak maksiat lan duso.
Kito kedah sadar-sesadaripun, wonten ingkang mboten
ketingal lan mboten saged dipun candak ingkang nentuaken urip kito ing dunyo.
Sukses lan gagal meniko mboten saged ditentuaken kito piyambak. Meniko
kekuasaan Allah swt ingkang nentoaken urip kito. Kito namung waged ikhtiar lan
ndungo mugi Allah tansah ngabulaken kekarepanipun kito sedoyo. Allah ngendiko:
وَقَالَ رَبُّكُمُ ادْعُونِي أَسْتَجِبْ لَكُمْ
Artosipun: "Allah dawuh: 'Dungoo siro kabeh
marang-Ku (Allah), yekti bakal dipun kabulaken dungo siro kabeh" (QS
Ghâfir: 60).
Rasulullah saw ugi dawuh:
الدُّعَاءُ سِلاَحُ الْمُؤْمِنِ، وَعِمَادُ الدِّينِ، وَنُورُ
السَّمَاوَاتِ وَالأَرْضِ
Artosipun: “Dungo meniko gamanipun tiang Mukmin,
cagaipun Islam, lan dados sinar langit lan bumi.” (HR Al-Hakim).
Ma’asyiral Muslimin rahimakumullah
Ing
antaranipun dungo ingkang dipun anjuraken dipun waos wulan Rajab meniko inggih
puniko dungo nyuwun uswo ingkang panjang lan barakah. Dungo uswo panjang meniko
kedah dipun katah-katahaken ing wulan Rajab supados kita saged ngibadah lan
mundut kautamanipun Rajab ugi saget kepanggih wulan Sya’ban dumugi wulan
Romadhon. Tigang wulan meniko nggadahi urutan lan hubungan kados dados
manunggaling bulan ingkang dipun rangkum wonten dungo:
اللَّهُمَّ بَارِكْ لَنَا فِيْ رَجَبَ
وَشَعْبَانَ وَبَلِّغْنَا رَمَضَانَ
Artosipun:
"Ya Allah, mugi mberkahi dateng kulo ing wulan Rajab lan wulan Sya’ban lan
dumugiaken kulo wonten ing wulan Romadhon,”
Kaitanipun
tigang wulan niki, Rasulullah sampun nyukani sabdo arupi keterangan dene Rajab
meniko wulanipun Gusti Allah ingkang dipun tandani perintah sholat nyembah ing
Allah sediten limang ambalan: Shubuh, dzuhur, Ashar, Maghrib, lan Isya’.
Perintah meniko dipun sampaiaken teng Kanjeng nabi Muhammad arikolone peristiwa
Isra’ Mi’raj ing wulan Rajab. Perintah sholat meniko negesi firman Allah wonten
ing Al-Qur’an:
وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ
Artosipun:
“Mboten dipun ciptaaken jin lan menungso kejobo kanggo ngibadah teng Aku
(Allah),” (Ad-Dzariyat: 56)
Hadirin
Ma’asyiral Muslimin rahimakumullah, Saking penjelasan meniko, khatib estu-estu
ngemutaken dateng kito sedoyo, monggo sami nguataken dungo lan ikhtiar serto
tawakkal dateng gusti Allah. Mugi-mugi Allah tansah paringi pangapuro dateng
sedoyo duso-duso kito lan nganugerahi kekuatan kangge ngindari duso lan
mbukaaken pintu tobat dateng kito sedoyo. Firmanipun Allah swt:
يٰٓاَيُّهَا الَّذِيْنَ اٰمَنُوْا
تُوْبُوْٓا اِلَى اللّٰهِ تَوْبَةً نَّصُوْحًاۗ عَسٰى رَبُّكُمْ اَنْ يُّكَفِّرَ
عَنْكُمْ سَيِّاٰتِكُمْ وَيُدْخِلَكُمْ جَنّٰتٍ تَجْرِيْ مِنْ تَحْتِهَا
الْاَنْهٰرُۙ (التحريم: ٨
Artosipun:
“Duh menungso kang podo iman, Tobato siro kabeh marang gusti Allah kanti tobat
ingkang temen. Mugi-mugi Allah tansah ngilangi keluputan lan mlebetaken siro
sedoyo dateng surgo ingkang wonteng kali kang ngalir tuyonipun”. (QS At-Tahrim:
8)
Hadirin
Ma’asyiral Muslimin rahimakumullah, Mugi Allah tansah maringi uswo panjang ugi
kesehatan supados kito saget ngalap keberkahan wonten ing bulan Rajab, Sya’ban,
lan Romadhon. Amin.
أَقُوْلُ قَوْلِيْ هٰذَا وَأَسْتَغْفِرُ
اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
